शेतकऱ्यांनी शेतकऱ्यांच्या शेतमालास उत्पादन खर्च अधिक वाजवी नफा हमीभाव संरक्षण मिळवून देणारी व्यवस्था

शेतकरी सुखी झाला तर संपूर्ण देश सुखी होईल” या ध्येयाने प्रेरित होऊन श्री. राजेंद्र वसंत रासकर मागील ५० वर्षांपासून कृषी पणन आणि शेतकरी सक्षमीकरण क्षेत्रात सातत्याने कार्यरत आहेत. १९७२ पासून मुंबईच्या भाजीपाला व्यापारात आणि कांदा बटाटा आडत व्यापारी संघ तुर्भे नवी मुंबई या संस्थेत २२ वर्षे सचिव म्हणून काम पाहताना त्यांनी शेतकरी, अडते आणि व्यापारी यांच्यातील संबंध आणि बाजार व्यवस्थेतील अडचणींचा सखोल अभ्यास केला. त्यांच्या या प्रदीर्घ अनुभवाच्या आधारे त्यांनी ‘जुन्नर तालुका कृषी पणन: मंत्र आणि तंत्र’ या पुरस्कृत ग्रंथाचे लेखन केले असून, त्यांच्या कृषी क्षेत्रातील अतुलनीय योगदानाबद्दल त्यांना नवी दिल्ली येथील IEMS संस्थेमार्फत ‘मानद डॉक्टर’ पदवीने सन्मानित करण्यात आले आहे. केवळ सिद्धांतावर न थांबता त्यांनी प्रत्यक्ष कृतीवर भर दिला असून, जुन्नर तालुक्यातील १८२ गावांच्या माहितीचे संकलन करून आधुनिक तंत्रज्ञानाचा वापर केला आणि नारायणगाव कृषी मंडळांतर्गत ७ ‘तलाठी सजा’ फार्मर्स प्रोड्युसर कंपन्यांची यशस्वी स्थापना केली. शेतमालाला उत्पादन खर्चावर आधारित योग्य नफा मिळवून देणारी शाश्वत विक्री व्यवस्था देशभर उभारण्यासाठी ते सदैव प्रयत्नशील असून, तरुण शेतकऱ्यांनी या सामूहिक विक्री क्रांतीत सहभागी व्हावे, असा त्यांचा ध्यास आहे.